യോഗക്ഷേമസഭ തിരുവനന്തപുരം ജില്ലയുടെ ഔദ്യോഗിക വെബ്സൈറ്റ് പ്രകാശനം ചെയ്തു. തിരുവനന്തപുരം ജില്ല നിർവാഹകസമിതി യോഗത്തിൽ വെച്ച് യോഗക്ഷേമസഭ ദക്ഷിണ മേഖല സെക്രട്ടറി ശ്രീ സതീഷ് എസ് പോറ്റിയാണ് വെബ്സൈറ്റ് ഉത്‌ഘാടനം ചെയ്തത്.

സഹധർമ്മം മാട്രിമോണി, ഓൺലൈൻ ഷോപ്പിംഗ് പോലുള്ള നിരവധി സേവനങ്ങൾ വെബ്സൈറ്റ് വഴി സഭാംഗങ്ങളിലേക്ക് എത്തിക്കുന്നുണ്ട്. www.ykstvm.in എന്നതാണ് വെബ്സൈറ്റ് ലിങ്ക്.

മറ്റു സേവനങ്ങൾ ഉപയോഗപ്പെടുത്തുക.

സഹധർമ്മം മാട്രിമോണി

യോഗക്ഷേമസഭ അംഗങ്ങൾക്കും ബ്രാഹ്മണ സമുദായ അംഗങ്ങൾക്കുമായി വേണ്ടി യോഗക്ഷേമസഭ തിരുവനന്തപുരം ജില്ലാ യുവജനസഭ ആരംഭിക്കുന്ന സഹധർമ്മം മാട്രിമോണിയിലേക്കുള്ള ഡാറ്റ ശേഖരണം ആരംഭിച്ചു. നിങ്ങളുടെയോ കുടുംബാംഗങ്ങളുടെയോ പേര് വിവരങ്ങൾ ചേർക്കാൻ ഫോം പൂരിപ്പിക്കുക.

ലിങ്ക്: https://sahadharmmam.ykstvm.in/index.php/register-now/

ജനനതീയതി കൃത്യമായി ചേർക്കാൻ ബുദ്ധിമുട്ട് അനുഭവപ്പെടുന്നവർ ഫോം പൂരിപ്പിച്ച ശേഷം പേര്, ജനന തീയതി എന്നിവ 8089156040 എന്ന നമ്പറിലേക്ക് അയക്കുക.

യുവ ബസാർ : ഓൺലൈൻ ഷോപ്പിംഗ്

യോഗക്ഷേമസഭ സഭാംഗങ്ങളായ സംരംഭകർക്ക് അവരുടെ ഉത്പന്നങ്ങൾ (ആഹാര സാധനങ്ങൾ, ഇലട്രിക് ഉപകരണങ്ങൾ, വസ്ത്രങ്ങൾ, സോപ്പ് പൊടി, സോപ്പ്, പുസ്തകങ്ങൾ തുടങ്ങിയ എന്തും) ഓൺലൈൻ ആയി നമ്മുടെ പ്ലാറ്റഫോം വഴി വിൽക്കാനുള്ള അവസരം ഒരുക്കുകയാണ് യോഗക്ഷേമസഭ തിരുവനന്തപുരം യുവജനസഭ.

നിങ്ങളുടെ ഉത്പന്നങ്ങൾ വിൽക്കുന്നതിനും ഇതിന്റെ ഭാഗമാകുന്നതിനും ബന്ധപ്പെടുക: 8089156040

ലിങ്ക്: https://bazaar.ykstvm.in/

സംരംഭകർക്ക് രജിസ്റ്റർ ചെയ്യാൻ: https://bazaar.ykstvm.in/index.php/my-account/

പത്മനാഭo ശ്രമസംഘo ഇന്ന് തിരുവനന്തപുരം ജില്ലാ വനിതാസഭ അധ്യക്ഷ ആശാ വാസുദേവരുടെ ഇല്ലത്ത് കാലുകഴിച്ചൂട്ടിന് കൂടി. പ്രദീപ്, വിഷ്ണു ഗംഗാധരൻ, ഹരി കാച്ചാണി, അർജുൻ, നന്ദു, അഗ്നി, വിഷ്ണു കാച്ചാണി, വിഷ്ണു പിരപ്പൻകോട്, അക്ഷയ്, ഗോകുൽ, രാജു.

യോഗക്ഷേമസഭ തിരുവനന്തപുരം ജില്ലയുടെ ഓണാഘോഷം 02.10.2022 കാച്ചാണി ശ്രീ മുരുകാ ഓഡിറ്റോറിയത്തിൽ വെച്ച് നടന്നു. ജില്ലാ വനിതാസഭയും യുവജനസഭയും സംയുകതമായി സംഘടിപ്പിച്ച ആഘോഷപരിപാടിയിൽ 170 സഭാംഗങ്ങളോളം പങ്കെടുത്തു. കരകുളം ഉപസഭ അംഗങ്ങൾ 9 മണിയോടെ പൂക്കളം ഒരുക്കി. 10 മണിയോടെ തുടങ്ങിയ ഉദ്ഘാടന സമ്മേളനത്തിന് വനിതാസഭ ജില്ലാ പ്രസിഡന്റ് ശ്രീമതി ആശാ വാസുദേവര് അധ്യക്ഷത വഹിച്ചു. യുവജനസഭ ജില്ലാ സെക്രട്ടറി ശ്രീ പ്രസാദ് വട്ടപ്പറമ്പ് സ്വാഗതം പറഞ്ഞു. വനിതാസഭ സംസ്ഥാന പ്രസിഡന്റ് ശ്രീമതി മല്ലികാ നമ്പൂതിരി ആഘോഷപരിപാടികൾക്ക് തുടക്കം കുറിച്ചുകൊണ്ട് ഉദ്ഘാടന കർമ്മം നിർവഹിച്ചു. ജില്ലാസഭയുടെ രക്ഷാധികാരി ബ്രഹ്മശ്രീ ദാമോദരൻ നമ്പൂതിരി, സംസ്ഥാന വനിതാസഭ ജോ. സെക്രട്ടറി ശ്രീമതി സിന്ധുജ എന്നിവരുടെ സാന്നിധ്യവും ആശംസകളും അനുഗ്രഹമായി മാറി.

10.30 യോടെ തുടങ്ങിയ കലാപരിപാടികൾക്ക് വനിതാസഭ നേതൃത്വം വഹിച്ചു. വനിതാ, യുവജന, ബാലജനസഭ അംഗങ്ങൾ വിവിധ കലാപരിപാടികൾ അവതരിപ്പിച്ചു. 12.15 മുതൽ 1.45 വരെ കരകുളം ഉപസഭ മന്ദിരത്തിൽ വെച്ച് സഭാംഗങ്ങൾ ഓണസദ്യ കഴിച്ചു. ശേഷം യുവജനസഭയുടെ നേതൃത്വത്തിൽ ഓണക്കളികളും മത്സരങ്ങളും നടന്നു.

വൈകുന്നേരം 3.30 യോടെ സമാപന സമ്മേളനം ആരംഭിച്ചു. യുവജനസഭ ജില്ലാ പ്രസിഡന്റ് ശ്രീ ഉമേഷ് കൃഷ്ണ അധ്യക്ഷത വഹിച്ച സമാപന സമ്മേളനം യുവജനസഭ സംസ്ഥാന പ്രസിഡന്റ് ശ്രീ ശ്രീജിത്ത് ഉദ്ഘാടനം ചെയ്തു. പരിപാടികളിൽ വിജയികളായവർക്ക് സമ്മാനങ്ങൾ വിതരണം ചെയ്തു. ജില്ലാ വൈസ് പ്രസിഡന്റ് ശ്രീ സുരേഷ് എസ്, സംസ്ഥാന യുവജനസഭ ജോ. സെക്രട്ടറി ശ്രീ കൈലാസ്, പത്തനംതിട്ട യുവജനസഭ പ്രസിഡന്റ് ശ്രീ അശ്വിൻ, ചെറുകുടൽ ശ്രീ ഗോവിന്ദൻ നമ്പൂതിരി എന്നിവർ ആശംസകൾ നേർന്ന് സംസാരിച്ചു. ജില്ലാ വനിതാസഭ സെക്രട്ടറി ശ്രീമതി ബിന്ദു ശർമ്മ സമാപന സമ്മേളനത്തിന് കൃതജ്ഞത അറിയിച്ചു,

നന്ദി… ഒരുപാട് നന്ദി…

3 വർഷത്തെ ഇടവേളയ്ക്ക് ശേഷം എല്ലാവരും ഒത്തുകൂടണം എന്ന ആഗ്രഹം ചാർജ്ജ് എടുത്ത് ഒരു മാസത്തിനുള്ളിൽ നടത്തുവാൻ ഇന്നത്തെ യുവജന, വനിതാസഭ ഭാരവാഹികൾ തീരുമാനം എടുക്കുമ്പോൾ സഭാംഗങ്ങളുടെ മുൻകാലങ്ങളിലെ പിന്തുണ മാത്രമായിരുന്നു മനസ്സിൽ. 150+ എന്ന ലക്ഷ്യത്തോടെ തുടങ്ങിയ ചർച്ചകൾ സ്ഥലം കണ്ടെത്താൻ വൈകിയതിനാൽ 100+ എന്ന ലക്ഷ്യത്തിലേക്ക് കുറക്കേണ്ടി വന്നു. വളരെ വൈകിയാണ് ഓണാഘോഷത്തെ പറ്റിയുള്ള വാർത്തകൾ സഭാംഗങ്ങളിലേക്ക് എത്തിച്ചത് എങ്കിൽ കൂടി 170+ എന്ന വിജയകരമായ ആഘോഷമാക്കി നിങ്ങൾ ഓരോരുത്തരും ജില്ലയുടെ ഓണാഘോഷത്തെ മാറ്റി.

ഒപ്പം നിന്ന് പ്രവർത്തിച്ച വനിതാ യുവജനസഭ പ്രവർത്തകർക്കും, പൂർണ്ണ പിന്തുണയും സഹകരണവും സഹായവും ഒരുക്കിത്തന്ന കരകുളം ഉപസഭയ്ക്കും, മൈക്ക് സ്‌പീക്കർ എന്നിവ എത്തിച്ചു നൽകിയ ആറ്റിങ്ങൽ ഉപസഭയ്ക്കും (വിശിഷ്യാ ഉപസഭ വൈസ് പ്രസിഡന്റ് താഴെമഠം നാരായണൻ നമ്പൂതിരി) നന്ദി അറിയിക്കട്ടെ.

ഓണാഘോഷത്തിന്റെ ഭാഗമായ സംസ്ഥാന വനിതാസഭ യുവജനസഭ നേതാക്കൾക്കും ജില്ലാ ഭാരവാഹികൾക്കും, ഉപസഭ ഭാരവാഹികൾക്കും പ്രത്യേകം നന്ദി. നിങ്ങൾ നൽകിയ ഈ പിന്തുണ വീണ്ടും ഒരുപാട് കാര്യങ്ങൾ ചെയ്യുവാൻ ഞങ്ങൾക്ക് ഊർജ്ജം പകരുന്നതാണ്.

വരും പ്രവർത്തനങ്ങളിലും ഈ പിന്തുണ ഉണ്ടാകുമെന്ന വിശ്വാസത്തോടെ…