പത്മനാഭ ശ്രമസംഘo 30.09.2022ന് പാൽകുളങ്ങര യുവജനസഭാ അംഗം വിഷ്ണുവിൻ്റെ മകളുടെ ചോറൂണ് ചടങ്ങിൽ ക്രിയക്ക് കൂടുകയും ശ്രമം ഏറ്റെടുത്ത് നല്ല രീതിയിൽ ചെയ്തു കൊടുക്കുകയും ചെയ്തു. ഉമേഷ്, പ്രദീപ്, അഗ്നി, ഗോകുൽ, ശന്തനു, അർജുൻ എന്നിവർ ശ്രമസംഘത്തിന്റെ ഭാഗമായി പങ്കെടുത്തു.
പത്മനാഭ ശ്രമസംഘo ഇന്നലെയും ഇന്നുമായി(സെപ്തംബർ 25, 26) വെള്ളയമ്പലം ശ്രീ. ആൽത്തറ ദേവി ക്ഷേത്രo ശുചീകരിച്ചു. ക്ഷേത്രവും പരിസരവും കഴുകി വൃത്തിയാക്കുന്നതിനോടൊപ്പം പെയിന്റ് അടിച്ചു നൽകുകയും ചെയ്തു.
പത്മനാഭo ശ്രമസംഘo ഇന്നലെയും ഇന്നുമായി (18.09.2022 – 19.09.2022) പൂജപ്പുര സരസ്വതി ക്ഷേത്രത്തിൽ സഹസ്രകലശത്തിൽ പങ്കുചേർന്നു.
ഉമേഷ്, ഈശ്വരൻ, അഗ്നി, ശ്രീരാഗ്, അർജുൻ, പ്രദീപ്, വിനീത്, ഹരിശങ്കർ, ശന്തനു എന്നിവരാണ് ശ്രമസംഗത്തിന് വേണ്ടി ചടങ്ങുകളിൽ പങ്കെടുത്തത്.
യോഗക്ഷേമസഭ തിരുവനന്തപുരം ജില്ലാസഭയുടെ നിർവ്വാഹകസമിതി യോഗം യജനോപവീതം ഹാളിൽ വെച്ച് സെപ്തംബർ 18 നു നടന്നു.
പത്മനാഭ ശ്രമസംഘം ഇന്ന് (13.09.2022) ശ്രീകാര്യം പേരൂർ ശ്രീ ഭദ്രാ രാജരാജേശ്വരി ഭഗവതി ക്ഷേത്രത്തിൽ ലക്ഷാർച്ചനയിൽ പങ്കുചേർന്നു. ഉമേഷ്, ഹരി, അഗ്നി, വിഷ്ണു മോഹൻ, അശ്വിൻ, നന്ദു, ഈശ്വരൻ, ഹരി, ശന്തനു, വിഷ്ണു നമ്പൂതിരി, വിനീത് എന്നിവരാണ് ലക്ഷാർച്ചനയിൽ പങ്കെടുത്തത്.
സാന്ത്വന കിരണം എന്ന സംഘടനയുടെ “ഓണം ബമ്പർ” പൊതിച്ചോറ് വിതരണ പ്രവർത്തനത്തിൽ പങ്കുചേർന്ന് യോഗക്ഷേമസഭ ആറ്റിങ്ങൽ ഉപസഭ. പ്രവർത്തനത്തിന്റെ ഭാഗമായി സാന്ത്വന കിരണം ടീമിൽ നിന്ന് വാങ്ങിയ 60 പൊതിച്ചോറുകൾ ആറ്റിങ്ങൽ ഉപസഭ പരിധിയിൽ പെടുന്ന കലാഭവൻ മണി സേവന സമിതിയുടെ മണി ദേവാലയം വൃദ്ധസദനത്തിലും വലിയകുന്ന് ഗവർണമെന്റ് ആശുപത്രിയിലുമായി വിതരണം ചെയ്തു. ഉപസഭ സെക്രട്ടറി ശ്രീ രാജേഷ് കിഴക്കില്ലം, ഉപസഭ യുവജനസഭ സെക്രട്ടറി ശ്രീ അഭിജിത് എന്നിവരുടെ നേതൃത്വത്തിൽ ആണ് പൊതിച്ചോറ് വിതരണം നടന്നത്. ഉപസഭ അംഗങ്ങളായ ശ്രീമതി ഭാഗ്യ രാജേഷ്കുമാർ, ശ്രീ പ്രസാദ് വട്ടപ്പറമ്പ് എന്നിവരും പങ്കെടുത്തു.
യോഗക്ഷേമസഭ ആറ്റിങ്ങൽ ഉപസഭ, പ്രതീക്ഷ ചാരിറ്റബിൾ സൊസൈറ്റി, നാഷണൽ ഇൻസ്റ്റിറ്റ്യൂട്ട് ഫോർ ട്രെയിനിങ് ആൻഡ് എഡ്യൂക്കേഷണൽ റിസർച്ച് എന്നിവർ സംയുക്തമായി കഠിനംകുളം ഭാഗത്തെ എമ്പത്തെട്ടോളം വയോധികർക്ക് ഓണക്കോടി വിതരണം ചെയ്യുകയാണ്. ഇന്നലെയും നിന്നുമായി നടന്ന ചടങ്ങുകളിൽ 58 പേർക്ക് ഓണക്കോടി വിതരണം ചെയ്തു.
ഇന്ന് കഠിനംകുളം മഹാദേവക്ഷേത്രത്തിന് സമീപം നടന്ന ചടങ്ങ് കദിനംകുളം എസ്.ഐ സുധീഷ് ഉത്ഘാടനം ചെയ്തു. ഉപസഭ സെക്രട്ടറി ശ്രീ രാജേഷ് കിഴക്കില്ലം, ഉപസഭ യുവജനസഭ പ്രസിഡന്റ് നാരായണൻ പോറ്റി, ജില്ലാ യുവജനസഭ സെക്രട്ടറിയും ഉപസഭ നിർവ്വാഹക സമിതി അംഗമായ പ്രസാദ് വട്ടപ്പറമ്പ്, അശ്വതി വട്ടപ്പറമ്പ്, ജഗത് നാരായണൻ, ഭഗത് സുബ്രഹ്മണ്യൻ എന്നിവരും ചടങ്ങിൽ പങ്കെടുത്തു.
അടുത്ത ഘട്ടത്തിൽ കിടപ്പ് രോഗികളായവർക്ക് വീടുകളിൽ എത്തി ഓണക്കോടി നൽകുന്നതിനായി സഭ അംഗങ്ങളിൽ നിന്നും ശേഖരിച്ച കോടി വസ്ത്രങ്ങൾ ശ്രീ സുജിത് എഡ്വിൻ പെരേരയ്ക്ക് കൈമാറി.
സാമ്പത്തികമായി പിന്നോക്കം നിൽക്കുന്നവർക്ക് ധന സഹായം നൽകുന്നതിന്റെ ഭാഗമായി അരുവിക്കര ഉപസഭ പരിധിയിൽ വരുന്ന കാട്ടാക്കട, മൊളിയൂർ കിഴക്കേ മഠത്തിൽ ശങ്കരൻ നമ്പൂതിരി, ജയലക്ഷ്മി അന്തർജ്ജനം എന്നിവരെ ഉപസഭ ഭാരവാഹികൾ സന്ദർശിക്കുകയും അവശ്യസാധനങ്ങളടങ്ങിയ ഓണ കിറ്റും, ഓണ കോടിയും, ധനസഹായവും നൽകി.
അനാരോഗ്യകരമായ കാരണങ്ങളാൽ ചികിത്സയിൽ കഴിയുന്ന ശങ്കരൻ നമ്പൂതിരി ജില്ലാ വനിതാ വിഭാഗത്തിന്റെ “ജയശ്രീ സ്മാരക സഹായ നിധി” യിൽ നുള്ള ധനസഹായത്തിനും അർഹനായി.
തൃശ്ശൂർ ജില്ലയിലെ കൂർക്കഞ്ചേരി ഉപസഭയിലെ മുണ്ടാരപ്പള്ളി ഇല്ലത്തെ ജഗൻ നാഥൻ ഓൾ കേരളാ സൈക്കിൾ റൈഡ് ആരംഭിച്ച് കാസർകോഡ് മുതൽ തിരുവനന്തപുരം വരെയുള്ള യാത്രയിൽ ഇന്ന് (4/9/2022, ഞായറാഴ്ച്ച) ഉച്ചയ്ക്ക് 3 മണിയോടു കൂടി ആറ്റിങ്ങൽ എത്തിചേർന്നു. അദ്ദേഹത്തെ അറ്റിങ്ങൽ ഉപസഭയുടയും യുവജന സഭയുടെയും വനിതാ സഭയുടെയും നേതൃത്വത്തിൽ സെക്രട്ടറിയുടെ ഭവനത്തിൽ വച്ച് പൊന്നാടയും, ഓണക്കോടിയും, ഓണ കൈനീട്ടവും, ഓണസദ്യയും നൽകി ആദരിച്ചു.
ഉപസഭയ്ക്കു വേണ്ടി സെക്രട്ടറി കിഴക്കില്ലം രാജേഷും യുവജന സഭയ്ക്കു വേണ്ടി സെക്രട്ടറി അഭിജിത്തും യുവജന സഭാ അംഗം ഭാഗ്യശ്രീയും വനിതാ സഭാ അംഗം ലേഖയും പങ്കെടുത്തു.
2022-25 കാലയളവിലേക്കുള്ള ജില്ലാ യുവജനസഭ നിർവ്വാഹകസമിതി അംഗങ്ങളുടെ സത്യപ്രതിജ്ഞയും ആദ്യ യോഗവും ഇന്ന് അന്യോന്യം ഹാളിൽ നടന്നു.
യോഗക്ഷേമസഭ തിരുവനന്തപുരം ജില്ലാ യുവജനസഭയുടെ നിയുക്ത ഭാരവാഹികൾ തിരുവനന്തപുരം ശ്രീ അനന്തപുരി അന്യോന്യം ഹാളിൽ വെച്ച് നടന്ന ചടങ്ങിൽ സത്യപ്രതിജ്ഞ ചെയ്ത് സ്ഥാനമേറ്റു. ശേഷം നടന്ന നിർവ്വാഹകസമിതി യോഗത്തിൽ വൈസ് പ്രസിഡന്റ് ഈശ്വരൻ നമ്പൂതിരി സ്വാഗത പ്രഭാഷണം നടത്തി. പ്രസിഡന്റ് ശ്രീ ഉമേഷ് കൃഷ്ണന്റെ അധ്യക്ഷതയിൽ നടന്ന യോഗത്തിൽ ജില്ലാ സഭ വെബ്സൈറ്റ്, ഓണാഘോഷം, ലഹരി വിരുദ്ധ ക്യാമ്പയിൻ തുടങ്ങിയ വിവിധ വിഷയങ്ങളിൽ ചർച്ച നടത്തി.