സ്വാമി വിവേകാനന്ദ പുരസ്കാർ 2024 ഫോർ ഇൻസ്പയറിങ് പേഴ്സണാലിറ്റി
ദേശീയ യുവജനാഘോഷത്തിന്റെ ഭാഗമായി തിരുവനന്തപുരം ജില്ലാ യുവജനസഭ നൽകുന്ന സ്വാമി വിവേകാനന്ദ പുരസ്കാർ 2024 ഫോർ ഇൻസ്പയറിങ് പേഴ്സണാലിറ്റിസിന് ശ്രീ മാധവൻ മരങ്ങാട്, കല്ലൂർമഠം ഹരികുമാർ എന്നിവർക്ക് സമർപ്പിച്ചു.
ശ്രീ മാധവൻ മരങ്ങാട്: കണ്ണൂർ ജില്ലയിലെ കോറോം യുവജനസഭ പ്രവർത്തനത്തിലൂടെ യുവജനസഭ സംസ്ഥാന സെക്രട്ടറി വരെയുള്ള മികച്ച പ്രവർത്തനം. 2014- 2016 കാലയളവിൽ യുവജനസഭ സംസ്ഥാന തലത്തിൽ നടത്തിയ ശ്രദ്ധേയമായ പ്രവർത്തനങ്ങൾക്കും അതിന്റെ തുടർ പ്രവർത്തനങ്ങൾക്കും ആണ് ശ്രീ മാധവൻ മരങ്ങാടിനെ പുരസ്കാര അർഹനാക്കിയത്.
Read Moreആശ്രയ 2023
യോഗക്ഷേമസഭ തിരുവനന്തപുരം ജില്ലാ യുവജനസഭയുടെ ആശ്രയ 2023 ഇന്നലെ (17.12.2023) ആറ്റുകാൽ ക്ഷേത്രത്തിനടുത്തുള്ള ആനന്ദനിലയം എന്ന ഓർഫണേജിൽ വെച്ച് നടന്നു.
ഉച്ചയ്ക്ക് 2.30 മുതൽ 5.00 മണിവരെ യുവജനസഭ അംഗങ്ങൾ അവിടത്തെ കുട്ടികളോടൊപ്പം സമയം ചിലവഴിച്ചു. കുട്ടികളുടെ കലാപരിപാടികൾക്കൊപ്പം വിവിധ കളികളും ഗ്രൂപ്പ് പ്രവർത്തനങ്ങളും യുവജനസഭയുടെ നേതൃത്വത്തിൽ അവിടെ സംഘടിപ്പിച്ചു.
16 പെൺകുട്ടികളും മുതിർന്നവരുമായി നാല്പതോളം പേരാണ് അവിടെ കഴിയുന്നത്. അവർക്ക് ആവശ്യമായ സഹായം കൈമാറിയശേഷം 5 മണിയോടെ ആശ്രയ 2023 ന് സമാപനം കുറിച്ചു.
ആശ്രയ പ്രവർത്തനങ്ങൾക്ക് ഊർജ്ജമായി കൂടെനിന്ന നിർവാഹകസമിതി അംഗങ്ങൾക്കും ഉപസഭ ഭാരവാഹികൾക്കും, യുവജനസഭ വനിതാസഭ അംഗങ്ങൾക്കും നന്ദി…
പൂർണ്ണ പിന്തുണ നൽകിയ ജില്ലാ ഉപസഭ മാതൃസഭ ഭാരവാഹികൾക്കും ഈ അവസരത്തിൽ ജില്ലാ യുവജനസഭയുടെ നന്ദി അറിയിക്കുന്നു.
പത്മനാഭ ശ്രമസംഘത്തിൽ വനിതാ സഭാ അംഗങ്ങളും
അങ്ങനെ ഇന്ന് ആദ്യമായി പത്മനാഭ ശ്രമസംഘത്തിൽ വനിതാ സഭാ അംഗങ്ങളും പങ്കെടുത്തു ശ്രമം ഗംഭീര വിജയമാക്കി തീർത്തു…. പാൽകുളങ്ങര ഉപസഭ അംഗം പ്രിയ, നെയ്യാറ്റിൻകര ഉപസഭ അംഗം വിദ്യ, കാലടി ഉപസഭ അംഗം സരസ്വതി, പേരൂർക്കട ഉപസഭ അംഗം ശ്രീജ എന്നിവരാണ് പങ്കെടുത്ത വനിതാ രത്നങ്ങൾ.
ആദരിച്ചു
തിരുവനന്തപുരം ജില്ല കാലടി ഉപസഭയിലെ യുവജന സഭാംഗങ്ങളായ ശ്രീമതി ദേവിക ശന്തനുവിനെയും, ശ്രീമതി ദേവിക സുബ്രഹ്മണ്യനെയും ലോക വനിതാ ദിനത്തിൽ കാലടി യുവജനസഭ പൊന്നാട അണിയിച്ച് ആദരിച്ചു, എല്ലാവിധ ആശംസകളും നൽകി…
ശ്രീമതി ദേവിക ശന്തനു “അനന്തര കളക്ഷൻസ്” എന്ന പേരിൽ ആറ്റുകാൽ ക്ഷേത്രത്തിന് സമീപം ഒരു സംരംഭം ആരംഭിച്ചു മികച്ച ഒരു സംരഭക ആയിരിക്കുകയാണ്…
ശ്രീമതി ദേവിക സുബ്രമണ്യൻ വർഷങ്ങളായി ഓട്ടൻതുള്ളൽ അഭ്യസിച്ചു വരികയായിരുന്നു എങ്കിലും ഇ വർഷം മുതൽ “ക്ഷേത്ര കലാ കേന്ദ്രം” എന്ന പേരിൽ അറിയപ്പെടുന്ന കലാ കേന്ദ്രത്തിൽ ചേർന്ന് ഓട്ടൻതുള്ളൽ അവതരിപ്പിക്കുവാൻ തുടങ്ങി…ഒരു പ്രൊഫഷണൽ കലാകാരിയായിരിക്കുകയാണ്…
യോഗക്ഷേമസഭ സംസ്ഥാന ഫുട്ബോൾ ടൂർണമെന്റ്; തിരുവനന്തപുരം ചാമ്പ്യാന്മാർ
യോഗക്ഷേമസഭ സംസ്ഥാന ഫുട്ബോൾ ടൂർണമെന്റ് 2022 ഡിസംബർ 31, 2023 ജനുവരി 1 തീയതികളിലായി തിരുവനന്തപുരം മെഡിക്കൽ കോളേജ് ഗ്രൗണ്ടിൽ വെച്ച് നടന്നു. ഡിസംബർ 31 ന് മെഡിക്കൽ കോളേജ് ഗ്രൗണ്ടിൽ നടന്ന ഉത്ഘാടന ചടങ്ങിൽ സംസ്ഥാന യുവജനസഭ പ്രസിഡന്റ് ശ്രീ ശ്രീജിത്ത് അധ്യക്ഷത വഹിച്ചു. തിരുവനന്തപുരം ജില്ലാ യുവജനസഭ സെക്രട്ടറി ശ്രീ പ്രസാദ് വട്ടപ്പറമ്പ് സ്വാഗത പ്രഭാഷണം നടത്തി. സംസ്ഥാന വനിതാസഭ പ്രസിഡന്റ് ശ്രീമതി മല്ലികാ നമ്പൂതിരി ടൂർണമെന്റ് ഉത്ഘാടനം ചെയ്ത് സംസാരിച്ചു.
യുവജനസഭ സംസ്ഥാന കോ-ഓർഡിനേറ്റർ ശ്രീ പ്രശാന്ത് ജി, സംസ്ഥാന നിർവാഹകസമിതി അംഗം ശ്രീ മാധവൻ പോറ്റി എന്നിവർ ആശംസകൾ നേർന്ന് സംസാരിച്ചു. തിരുവനന്തപുരം ജില്ലാ യുവജനസഭ പ്രസിഡന്റ് ശ്രീ ഉമേഷ് കൃഷ്ണ കൃതജ്ഞത അറിയിച്ചു.
10 ടീമുകളോളം പങ്കെടുത്ത ടൂർണമെന്റിൽ ആദ്യദിനം 4 ടീമുകൾ ഏറ്റുമുട്ടി. തിരുവനന്തപുരം, തൃശ്ശൂർ, കണ്ണൂർ, കോട്ടയം ജില്ലകളെ പ്രതിനിധീകരിച്ചുള്ള ടീമുകൾ ഏറ്റുമുട്ടിയ ആദ്യദിനത്തിൽ ഗ്രൂപ്പിലെ ആദ്യ രണ്ട് സ്ഥാനക്കാരായ തിരുവനന്തപുരം – കണ്ണൂർ (എ) ടീമുകൾ സെമിയിൽ ഏറ്റുമുട്ടി. കണ്ണൂരിനെ 1-0 എന്ന സ്കോറിന് തോൽപ്പിച്ച് ആതിഥേയരായ തിരുവനന്തപുരം ആദ്യ ദിനം തന്നെ ഫൈനലിൽ പ്രവേശിച്ചു.
രണ്ടാം ദിനം തൃശൂർ, കണ്ണൂർ, ആലപ്പുഴ, പത്തനംതിട്ട, കൊല്ലം, പാലക്കാട് ജില്ലകളെ പ്രതിനിധീകരിച്ച് 6 ടീമുകൾ രണ്ടാം ദിനത്തിൽ മത്സരിച്ചപ്പോൾ കണ്ണൂർ (ബി) ആലപ്പുഴ ടീമുകൾ ഗ്രൂപ്പ് ബി യിൽനിന്നും സെമിയിലെത്തി. ആലപ്പുഴയെ 2 – 0 എന്ന സ്കോറിന് തോൽപ്പിച്ച് കണ്ണൂർ ഫൈനലിൽ പ്രവേശിച്ചു.
പിന്നീട് നടന്ന ആവേശോജ്ജ്വലമായ ഫൈനൽ പോരാട്ടത്തിൽ ആതിഥേയരായ തിരുവനന്തപുരം കണ്ണൂർ ടീമിനെ ഒരു ഗോളത്തിന്റെ മുൻതൂക്കത്തിൽ തോൽപ്പിക്കുകയായിരുന്നു.
വൈകുന്നേരം 4.30 യോടെ നടന്ന സമാപന സമ്മേളനത്തിൽ ജില്ല സെക്രട്ടറി ശ്രീ ജയകൃഷ്ണൻ വിജയികൾക്കുള്ള സമ്മാനങ്ങൾ വിതരണം ചെയ്തു.
വിജയികൾ: തിരുവനന്തപുരം പദ്മനാഭാസ്
റണ്ണർ അപ്പ്: കണ്ണൂർ ടീം പാട്രോൺസ് FC
മറ്റ് അവാർഡുകൾ
ഗോൾഡൻ ബൂട്ട്: സുഗുൺ (പത്മനാഭാസ്)
ഗോൾഡൻ ബോൾ: അഖിൽ (പാട്രൺസ്)
ഗോൾഡൻ ഗ്ലവ്: ഗൗതം (പത്മനാഭാസ്)
എമർജിങ് പ്ലയർ: അഭിജിത്ത് (ദ്വിജാസ്, ആലപ്പുഴ)
ശിശുദിനം ആചരിച്ചു.
യോഗക്ഷേമസഭ ആറ്റിങ്ങൽ ഉപസഭയുടെ Nov മാസത്തിലെ കുടുംബ സംഗമത്തോടനുബന്ദിച്ച് വനിതാസഭയും യുവജനസഭയും ചേർന്ന് ശിശുദിനം ആചരിച്ചു.
ഭദ്രദീപം: മണികണ്ഠൻ, പാർവതിയും ചേർന്ന് തെളിയിച്ചു.
സ്വാഗതം : ദ്രൗപതി
അധ്യക്ഷൻ :ദുർഗ്ഗ പ്രദീപ്
മംഗലശ്ശേരി ഗീതാ അന്തർജനത്തിൻ്റെ മരണത്തിന് സഭ അനുശോചനം രേഖപ്പെടുത്തി.
തിരുവല്ലം മേൽശാന്തിയായി തെരഞ്ഞെടുക്കപ്പെട്ട ജില്ല സെക്രട്ടറി ജയകൃഷ്ണൻ നമ്പൂതിരിയെ ഉപസഭ പ്രസിഡണ്ട് Dr. മാധവൻ നമ്പൂതിരിയും വൈസ് പ്രസിഡണ്ട് നാരായണൻ നമ്പൂതിരിയും ചേർന്ന് ആദരിച്ചു.
സഹസ്രകലശത്തിൽ പങ്കുചേർന്നു
പത്മനാഭo ശ്രമസംഘo ഇന്നലെയും ഇന്നുമായി (18.09.2022 – 19.09.2022) പൂജപ്പുര സരസ്വതി ക്ഷേത്രത്തിൽ സഹസ്രകലശത്തിൽ പങ്കുചേർന്നു.
ഉമേഷ്, ഈശ്വരൻ, അഗ്നി, ശ്രീരാഗ്, അർജുൻ, പ്രദീപ്, വിനീത്, ഹരിശങ്കർ, ശന്തനു എന്നിവരാണ് ശ്രമസംഗത്തിന് വേണ്ടി ചടങ്ങുകളിൽ പങ്കെടുത്തത്.
ലക്ഷാർച്ചനയിൽ പങ്കുചേർന്നു
പത്മനാഭ ശ്രമസംഘം ഇന്ന് (13.09.2022) ശ്രീകാര്യം പേരൂർ ശ്രീ ഭദ്രാ രാജരാജേശ്വരി ഭഗവതി ക്ഷേത്രത്തിൽ ലക്ഷാർച്ചനയിൽ പങ്കുചേർന്നു. ഉമേഷ്, ഹരി, അഗ്നി, വിഷ്ണു മോഹൻ, അശ്വിൻ, നന്ദു, ഈശ്വരൻ, ഹരി, ശന്തനു, വിഷ്ണു നമ്പൂതിരി, വിനീത് എന്നിവരാണ് ലക്ഷാർച്ചനയിൽ പങ്കെടുത്തത്.
ഓണക്കോടി
യോഗക്ഷേമസഭ ആറ്റിങ്ങൽ ഉപസഭ, പ്രതീക്ഷ ചാരിറ്റബിൾ സൊസൈറ്റി, നാഷണൽ ഇൻസ്റ്റിറ്റ്യൂട്ട് ഫോർ ട്രെയിനിങ് ആൻഡ് എഡ്യൂക്കേഷണൽ റിസർച്ച് എന്നിവർ സംയുക്തമായി കഠിനംകുളം ഭാഗത്തെ എമ്പത്തെട്ടോളം വയോധികർക്ക് ഓണക്കോടി വിതരണം ചെയ്യുകയാണ്. ഇന്നലെയും നിന്നുമായി നടന്ന ചടങ്ങുകളിൽ 58 പേർക്ക് ഓണക്കോടി വിതരണം ചെയ്തു.
ഇന്ന് കഠിനംകുളം മഹാദേവക്ഷേത്രത്തിന് സമീപം നടന്ന ചടങ്ങ് കദിനംകുളം എസ്.ഐ സുധീഷ് ഉത്ഘാടനം ചെയ്തു. ഉപസഭ സെക്രട്ടറി ശ്രീ രാജേഷ് കിഴക്കില്ലം, ഉപസഭ യുവജനസഭ പ്രസിഡന്റ് നാരായണൻ പോറ്റി, ജില്ലാ യുവജനസഭ സെക്രട്ടറിയും ഉപസഭ നിർവ്വാഹക സമിതി അംഗമായ പ്രസാദ് വട്ടപ്പറമ്പ്, അശ്വതി വട്ടപ്പറമ്പ്, ജഗത് നാരായണൻ, ഭഗത് സുബ്രഹ്മണ്യൻ എന്നിവരും ചടങ്ങിൽ പങ്കെടുത്തു.
അടുത്ത ഘട്ടത്തിൽ കിടപ്പ് രോഗികളായവർക്ക് വീടുകളിൽ എത്തി ഓണക്കോടി നൽകുന്നതിനായി സഭ അംഗങ്ങളിൽ നിന്നും ശേഖരിച്ച കോടി വസ്ത്രങ്ങൾ ശ്രീ സുജിത് എഡ്വിൻ പെരേരയ്ക്ക് കൈമാറി.